shortcut

Wednesday, January 04, 2006

فرصة 2006

غني منير و قال
الفرصة بنت جميلة راكبة عجلة ببدال
شعرها بيطير قدامها بيداري عليها جمالها
و الشاطر لو يلحقها يتبدل بيه الحال
السنة دي فكرت ان قدامي سنة مليانة فرص
كل شهر كل يوم كل ساعة
هي فرصة جميلة عشان نعرف نعيشها
نعيشها بفرح غامر او حزن عميق
نعيشها بفكر جرئ او او في نوم مفيد
فرصة اننا نعرف نعيش كل ساعة باحساس حلو او وحش
بس ما يستمرش كتير عشان في الساعة الجاية اعيش
احساس تاني حلو
اعيش باحساس مش معني كده ان حياتي وردية علي طول
بس علي الاقل تكون حكايتي في اليسنة دي ليها طعم
وابعد عن اي فرصة فتور
فكر في الفرص اللي بتقابلك كل يوم و انت مش شايفها
مش بستغلها
عشان لو راحت صعب تعيشها تاني
مين مكن يكون فكر قبل كده ان صحتنا فرصة كبيرة
انا عن نفسي بادمرها في اوقات كتير
و اوقات قليلة باعرف استغلها كفرصة صح

posted by shortcut at 1:53 PM

7 Comments:

  • merci ketir 3ala el kalame el helw dah ana mish ado2
    sana helwa 3aliki

    By Blogger shortcut, at 12:41 PM  

  • أحلي حاجة في الموضوع اغنية منير
    كلامك صح والله أحيانا كتير الفرصة بتيجي واحنا مش بنستغلها والفرق بين الناجح والفاشل هو استغلال الفرص

    By Blogger عشقك ندي, at 3:55 PM  

  • أنت كلامك حلو بجد بيخللني اتفائل يا ريت نبدأ كلنا السنة دي بالاحساس ده وكل أمل وأنت طيبة

    By Blogger ruby, at 6:10 PM  

  • كلمة فرصة ف اللغة الصينية هى نفس كلمة محنة أو أزمة
    ساعات حتى أزماتنا بتبقة فرص
    يارب اوعدني بفرص جديدة للسفر والفرجة ع العالم ف 2006

    By Blogger Unknown, at 3:04 PM  

  • يعنى بكرة احلى من النهاردة
    تفتكرى؟ ياريت بجد ياريت
    بس ازاى والدنيا غرقانة شر على راى عمنا صلاح جاهين!!!!!!

    By Blogger yara, at 3:21 PM  

  • عمنا صلاح برده قال:
    - الدنيا من غير الربيع مــــــــيته
    ورقة شجر ضعفـــــــانه و مـــفـــــتــته
    - لا يا جدع غلطان تأمل وشوف
    زهر الشتا طالع فــــــــي عز الشـــــتا

    By Blogger shortcut, at 6:42 AM  

  • فعلا الفرصة محتاجة اللى يلحقها والا مش هيعيشها والفرص فى الحياه مش كتير
    ايه حكاية صحتك المتبهدلة دى خير ان شاء الله

    By Blogger حدوته مصرية, at 1:10 PM  

Post a Comment

<< Home