موقف

امبارح كان عندي كورس ماكس انا و ثلاثة من اصحابي و فيه واحد بيوصلنا انا و صحبتي بعد ما بنخلص

هو معاه عربية حلوة كده لانسر و احنا في سموحة قدام كيروسيز وقفت قدامنا عربية بي ام حكاية اخر موديل

قال ياه حلوة اوي العربية دي

ردت عليه و قلت يا رب كل واحد فينا يبقي عنده عربية زي ديه

قاللي لا انا بطلب من ربنا اللاقي شغل يخليني اجيب العربية دي

فرقت اوي معايا الجملة دي و فكرتني بموقف صحبتي و احنا بنتناقش مع باقي الناس عن الفرح

و كان راينا ان في حاجات بتزعلنا بس لازم احنا اللي نخرج نفسنا منها

و استغربنا ان صحبتي نستنية اي حاجة من برة هي اللي تفرحها

يمكن عشان كده كل الناس مكشرة